0%

ქართული ღვინის საიდუმლო მის უბრალოებასა და დიდებულებაშია, ვაზი ოდითგანვე ქართველი კაცის შთაგონებაა.ზუსტად არავინ იცის როდის დაიწყო კაცმა მისი მოშინაურება , მისი სიყვარული . . .
თუმცა, ერთი რამ ცხადია, ვაზი ქართველი კაცის ხელს მოყვა, მასთან ერთად გაიხარა, გაიზარდა და გაივსო, საუკუნეების განმავლობაში ამ ხელით დამშვენდა, დაბრძენდა და დადინჯდა. ქართველი მეღვინე დღესაც ჭეშმარიტების ძიებაშია.

ხარ თუ არა 18-ის, ან 18 წელს ზემოთ?

კი
არა

სიახლე

ამერიკაში ყველაზე პოპულარული გამოცემების წამყვან ჟურნალისტებს „თელიანი ველი“ მასპინძლობს.

 

 

25 ოქტომბერს 11 საათზე თელიანი ველის ქარხანას ამერიკაში ყველაზე პოპულარული გამოცემების წამყვანი ჟურნალისტები ეწვივნენ. “New York Times”, ”Newsweek International”, “Bon Appetit”, “Wine Business Monthly”, “Wine Enthusiast”, “California Wine & Food” Travel Magazine აღნიშნული ვიზიტის შესახებ ინფორმაცია დაიბეჭდება აშშ-ს იმ გამოცემებში, რომლებიც ქვეყნდება და ვრცელდება არამხოლოდ ამერიკის, არამედ საერთაშორისო მასშტაბით. ღვინის ქარხანაში ვიზიტების დროს, ამერიკული მედიის წარმომადგენლებმა დააგემოვნეს ქართული ღვინოები, ისაუბრეს ქართული მევენახეობის, მეღვინეობის ტრადიციებისა და ვაზის ჯიშების შესახებ.       თელავში უცხოელ ჟურნალისტებთან ერთად ამერიკელი მსხვილი მყიდველ-იმპორტიორებიც ჩავიდნენ. მათი ვიზიტის მიზანია ღვინის ქარხნის საქმიანობის ადგილზე გაცნობა, ღვინოების დაგემოვნება და ქართული ღვინის აშშ-ში გატანასთან დაკავშირებით მოლაპარაკებების დაწყებაა. ჟურნალისტებისა და ღვინის მყიდველ-იმპორტიორთა ვიზიტი ხელს შეუწყობს ქართული ღვინის კომერციულ გაყიდვებს აშშ-ს ბაზარზე. უცხოელების ვიზიტი „თელიანი ველის“ ქარხანაში განხორციელდა ამერიკის შეერთებული შტატების განვითარების სააგენტოს (USAID) მიერ დაფინანსებული პროექტის ფარგლებში.